Perlu- og demantseyrnalokkar

Eyrnalokkarnir eru úr 14 karata gulli með perlum og demöntum. Perlurnar eru kringlóttar akoya perlur sem eru 8,5-9 mm í þvermál. Demantarnir eru 18 talsins og eru samtals 13 punktar í gæðaflokki W SI. 

Þegar talað er um stærð (og þar með þyngd) demanta er ýmist notast við karöt eða punkta. 13 punkta demantur er 0,13 karöt, en kerfið er keimlíkt metrakerfinu á þann hátt að 100 punktar eru samtals 1 karat.

Umhirða perlna
Það er einkum tvennt sem þarf að gæta að til að tryggja fallega ásýnd og gæði perlna. 

• Ekki skola þær með heitu vatni.
• Ekki láta perlurnar komast í snertingu við sýrur.

Í sumum gerðum perluskartgripa er notað sérstakt perlulím til að festa perlur í gripinn. Gæta skal þess að perlur komist ekki í snertingu við heitt vatn, hvorki við þrif eða þegar farið er í sturtu. Heitt vatn dregur úr styrk límingar og getur valdið því að perlan detti úr gripnum. 

Gæta skal þess að perlur komist ekki í snertingu við efni sem innihalda sýrur, eins og t.d. ilmvatn og hársprey. Ef slíkt gerist skal skola perlurnar með köldu vatni. Sýru er einnig að finna, í mismiklu mæli, í húð fólks. Langvarandi snerting perlna við húð með hátt sýrustig getur haft skaðleg áhrif, og þess vegna er gott að þrífa perlur reglulega.

Við mælum sérstaklega með skartgripasápunni okkar til að viðhalda gæðum og ásýnd perlna. Sápan er 100% náttúruvæn og hana má nota á allar gerðir málma og steina, þar með talið gull, hvítagull, silfur, stál, demanta og auðvitað perlur.

Netpantanir eru að jafnaði afgreiddar næsta virka dag frá kaupum. Ef pöntuð er áletrun á hlut lengist afgreiðslufresturinn um fimm virka daga. Þú færð tölvupóst frá okkur um leið og pöntunin er tilbúin til afhendingar í verslunum okkar eða þegar við komum henni í hendur flutningsaðila sem sér um að koma pöntuninni á áfangastað.